üses Chinderchörli usem ganze Bärnbiet

* * * * * 

Marianne Leuenberger

Mirjam Rüegsegger



d'Marianne u d'Mirjam sy üser Sunneblueme u trage d'Houptverantwortig vom Chörli. Sy begleite aui Ching u Jugendleche (vo ca. 4ri bis ändi Schueuzyt ca.16i) u fördere se im Soziale, wie gsangleche zu Höchschtleischtige! Eifach super!!!

* * * * *

Mathias Leuenberger

Stefan Schenk



dr Mathias u dr Stefan trage o scho länger dr Mutz u stöh i üsne Reihe. Sy luege superguet zu de Giele u Jungjodler. Die zwee wüsse ganz genau wie sy die Ching chöi motiviere um so im Klub Fuess z'fasse!!

Um ds’Ganze no z‘verfynere, tüe wyteri klubeigeni Jodlerkamerade ds Chörli mit Schwyzerörgeli, Gittare u Schlagzüg begleite!!

Da drby sy mir Röthebachjodler enorm Stouz

 

mir danke dene zwo Froue,

u dene zwene junge Manne

vo ganzem Härze!!!

* * * * *

Nid vergässe    „DANKE Z’SÄGE“    möchte mir a dere Steu allne Eutere, Grosseutere, Gschwüschterti, Gotte u Götti, sowie allne wo mithäufe, all die wunderschöne Kläng u Bilder, vo all dene lüchtende Chinderouge dörfe z’gseh u z’gschpüre!!

* * * * * 

* * * * *